GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, 30 il Azərbaycanın torpaqlarının işğalda olduğu vaxt sərhəd toxunulmazlığından danışmayan İran indi Ermənistanın sərhəd toxunulmazlığını dəstələyir.
İranın Ermənistandakı səfiri Mehdi Sübhani İran İslam İnqilabının 45-ci ildönümü ilə bağlı İrəvanda keçirilən mərasimdə iddia edib ki, İran həmişə regional problemlərin və böhranların həllinin bir hissəsi olub. Bu çətin günlərdə ölkəm regionda sülhün və sabitliyin təmin olunması üçün səylərini davam etdirəcək. İran regionda sabit sülhü qoruyur. İstənilən sülh ölkələrin milli suverenliyinə, ərazi bütövlüyünə və beynəlxalq səviyyədə tanınmış sərhədlərinin toxunulmazlığına hörməti əhatə etməlidir.
O bildirib ki, İran regional təşəbbüsləri, o cümlədən Baş nazir Paşinyanın təqdim etdiyi və ölkələrin milli suverenliyi çərçivəsində kommunikasiyaların açılmasına yönələn “Sülh qovşağı” təşəbbüsünü alqışlayır və dəstəkləyir.
Sübhani həmçinin Ermənistanın Təbrizdə Baş Konsulluğunun açılmasının iki ölkə arasında münasibətlərə daha da təkan verəcəyini iddia edib.
