GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin ETTELAAT İdarəsinin göstərişi ilə Güney Azərbaycanda azərbaycanlı vəkil, mədəni fəal Yılmaz Mehrəlibəylinin vəkillik lisenziyası ləğv edilib.
Azərbaycanlı vəkil bu barədə özünün sosial şəbəkə hesabında məlumat paylaşıb.
Yılmaz Mehrəlibəyli bildirib ki, ETTELAAT İdarəsinin basqısı nəticəsində onun vəkillik lisenziyası Şərqi Azərbaycan Vəkillər Kollegiyası tərəfindən ləğv olunub.
Azərbaycanlı vəkil bildirib ki, Şərqi Azərbaycan Vəkillər Kollegiyasının rəsisi ona deyib ki, vəkilə qarşı bu qərar Şərqi Azərbaycan əyalətində İranın ETTELAAT İdarəsinin məktubu əsasında verilib.
Yılmaz Mehrəlibəyli bununla bağlı yazıb: “Bir vəkil olaraq bu işin sonuna kimi gedəcəyəm və arxayınam ki, bu yolda haqq və azadlıq istəyənlər mənə arxa duracaqlar”.
Qeyd edək ki, Yılmaz Mehrəlibəyli tanınmış azərbaycanlı fəal və keçmiş siyasi məhbus Yürüş Mehrəlibəylinin qardaşıdır. Güney Azərbaycanın Culfa şəhərinin Şüca kəndindən olan hər iki azərbaycanlı qardaş bundan öncə də milli-mədəni fəaliyyətləri ilə bağlı təzyiqlərə məruz qalıblar.
