GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın Güney Türkmənistanda əhalinin tərkibini dəyişmək məqsədilə buraya köçürdüyü zabollular yerli türkməni öldürdülər.
Gülüstan əyaləti Polis İdarəsinin ictimaiyyətlə əlaqələr bölməsinin sədri polkovnik Əlirza Nəsiri bu barədə mediaya açıqlama verib.
Nəsirinin sözlərinə görə, silahlı qarşıdurma nəticəsində türkmən vətəndaşlardan biri Nurməhəmməd Qarabaş aldığı güllə yarası nəticəsində həyatını itirib, 18 nəfər isə yaralanıb.
O, 9 nəfərin yaxalamdığını və hadisəyə səbəb olan başqa şəxslərin yaxalanması üçün əməliyyat tədbirlərinin davam etdirildiyini bildirib.
Silahlı qarşıdurma türkmənlərin yaşadığı Yelmə Salyan və zabolluların köçürüldüyü İttihad kəndlərinin sakinləri arasında su mübahisəsinə görə baş verib.
Qeyd edək ki, İran rejimi Güney Türkmənistanda türkmən əhalinin tərkibini dəyişdirib, onları assimilyasiyaya uğratmaq məqsədilə zabolluları Sistan-Bəlucistan voilayətindən bu bölgəyə köçürüb.
