GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ukrayna Silahlı Qüvvələri rus hərbçilərinin ələ keçirdiyi İlan adasında “Bayraktar TB-2” PUA-sı ilə hücum edərək onların komanda məntəqəsini darmadağın edib. Bu barədə “Cənub” Əməliyyat Komandanlığı məlumat yayıb.
Bildirilib ki, hərbçilər “BayraktarTB-2” PUA-larının köməyi ilə döyüş sursatlarını və komanda məntəqəsini vurublar.
Mayın 2-də səhər saatlarında ukraynalı müdafiəçilər Zmiiny adası yaxınlığında rusların iki katerini məhv ediblər .
Aprelin 30-da Ukrayna qoşunlarının Zmiinydə Rusiya ordusunun hədəflərinə hücumu nəticəsində 3 zenit , “Strela-10” zenit-raket kompleksi və rabitə vasitəsi və telekommunikasiya avadanlığı olan server məhv edilib.
Həmçinin Ukrayna Silahlı Qüvvələri Xarkovda Rusiya ordusunun yanacaq daşıyan kolonunu məhv edib. Bu haqda “Ukrayna Xəbərləri” Teleqram kanalı videogörüntü paylaşıb.
