GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli-mədəni fəallar Əli Vasiqi və Rza Vasiqini Ərdəbildə yaxaladı.
Vasiqi qardaşları iyunun 10-da axşam ETTELAAT məmurları tərəfindən öz iş yerində yaxalanmışlar.
Azərbaycanlı milli fəallar yaxalanma barədə çıxarılan hökmün göstərilməsini tələb ediblər. Lakin rejimin məmurları bundan imtina ediblər. Nəticədə Əli və Rza Vasiqi məmurlara qarşı müqavimət göstərib.
Şahidlərin bildirdiyinə görə, ETTELAAT məmurları Vasiqi qardaşlarına qarşı güc tətbiq edərək milli fəalları döyüblər. Bu isə əhalinin etirazına səbəb olub.
Azərbaycanlı fəalların nə səbəbdənyaxalandığı və harada saxlanıldığı barədə hələlik heç bir məlumat yoxdur.
