GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Britaniya İranın Adrian Darya-1 super neft tankerinin yükünün Suriyada boşaldılmasına və “həmin neft tankerinin son təyinatı ilə bağlı Tehranın öz öhdəliklərinə əməl etməməsi”nə cavab olaraq irqçi fars rejimin səfirini çağırıb.
Britaniya Xarici İşlər Nazirliyi bununla bağlı İranı vədinə əməl etməməkdə günahlandıraraq, İranın Suriyaya neft çatdırılmasının beynəlxalq hüququn norma və prinsiplərinin pozulması kimi qiymətləndirib.
Britaniya Xarici İşlər Nazirliyinin bəyanatında deyilir: “İran daha əvvəl dəfələrlə “Adrian Darya” tankerinin yükünün Suriya embarqosu ilə əlaqəli tərəflərə çatdırmayacağına zəmanət vermişdi, lakin bu öhdəlikləri yerinə yetirmədi və sonda neft yükünü Suriyaya və qatil Əsəd rejiminə verdi”.
Bəyanatda Britaniya xarici işlər naziri Dominik Roba istinadən bildirilib: “İranın davranışı regional təhlükəsizliyə xələl gətirir və rəsmi London bu ay məsələni BMT-də qaldırmağı planlaşdırır”.
Qeyd edək ki, iyulun 4-də Panama bayrağı altında üzən o vaxt “Grace-1” adlandırılan Adrian Darya-1 tankeri Britaniyanın hakimiyyətində olan Cəbəllütariq sahillərində bu bölgənin polisi və qüvvələri tərəfindən saxlanılıb.
