GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, işğalçı və irqçi fars rejim özünü sanksiyaların təsirindən qurtarmaq üçün qonşularından yararlanmağa çalışır. Bu istiqamətdə düşmənçilik etdiyi qonşuları ilə rejim əlaqələri genişləndirir.
Məlumata görə, rejim Təbrizdə “İqtisadiyyat Diplomatiyası” adı altında İranın Qeyri-Neft İxracının İnkişafı Milli Konfransı keçiriləcək.
Azərbaycan Respublikasının iş adamları da Təbrizdə qeyri-neft ixracının inkişafı ilə bağlı konfransa qatılacaq
Bu barədə Təbrizin Ticarət, sənaye, mədən və kənd təsərrüfatı palatasının sədri Səməd Həsənzadə açıqlama verib.
Onun sözlərinə görə, 21-22 noyabrda keçiriləcək konfransa İranın və Şərqi Azərbaycan vilayəti ilə iqtisadi mübadilələri olan ölkələrin, o cümlədən Türkiyə, İraq, Azərbaycan və Naxçıvanın iş adamları və səfirləri, İran vilayətlərinin ticarət palatalarının rəyasət heyətləri qatılacaqlar.
S.Həsənzadə əlavə edib ki, bu konfransda bank, vergi, gömrük sahələrindəki problemlər araşdırılacaq və ümumilikdə bu problemlərdən çıxış yolları haqda təkliflər irəli sürüləcək.
