GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin düşmənçiliyi nəticəsində Güney Azərbaycanın Təbriz şəhərində yerləşən tarixi abidə olan Mirzə Hüseyn Vaizin evi dağıdılıb.
Qacarlar dövrünə aid olan həmin tarixi abidə Şərqi Azərbaycan vilayətinin Mədəni Miras, Əl İşləri və Turizm İdarəsinin laqeydliyi nəticəsində sökülüb.
Evin sahibi Mirzə Hüseyn Vaiz Məşrutə hərəkatının tanınmış simalarından və məşhur maarifçi Həsən Rüşdiyyənin xalası oğlu olub.
Təbriz şəhərindən olan Vaiz əvvəlcə məsciddə moizə oxuyarmış. O Qafqaza gediş-gəlişi sayəsində azadlıq hərəkatına meyl etmiş və siyasi azadlıq uğrunda mübarizəyə başlamışdı.
Mirzə Hüseyn Vaiz məşrutə hərəkatına qoşulduqdan sonra Təbriz Əncüməninin başçısının müavini olmuşdu.
Qeyd edək ki, irqçi fars rejim Azərbaycan türklərinin assimilyasiyasını sürətləndirmək məqsədilə onların tarixi abidələrinin dağıdılması üçün əllərindən gələni edirlər.
