Britaniyanın enerji nəhəngi “British Petroleum” ABŞ-ın tətbiq etdiyi sanksiyalarla əlaqədar İrandakı layihələrini dondurduğunu elan edib.
Bundan əvvəl İranın Cənub Fars qaz yatağınının işlənilməsini həyata keçirən Fransanın “Total” şirkəti də oxşar bəyanatla çıxış etmişdi.
Bu arada isə ABŞ Maliyyə Nazirliyi 5 İran vətəndaşını sanksiya siyahısına daxil edib.
Sanksiya tətbiq edilən şəxslər İran İslam İnqilabı Keşikçiləri Korpusuna dəstək verməkdə günahlandırılır.
Qeyd edək ki, ABŞ Dövlət katibi Mayk Pompeo ABŞ-ın nüvə müqaviləsindən geri çəkilməsindən sonra Tehranla yeni razılaşma əldə edilməsi üçün 12 şərt irəli sürüb.