GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin məmurları tanınmış azərbaycanlı fəal mərhum Əziz Purvəlinin məzardaşını söküblər.
Rejimin məmurlarının məzar daşını sökməsi daşın üzərində türkcə şeirin yazılmasıdır. Sökülən məzar daşının üzərində Azərbaycan türkcəsində yazılmışdı: Sahibsiz olan məmləkətin batması haqdır
Biz sahib olursaq bu vətən batmayacaqdır.
İrqçi fars rejimin ETTELAAT məmurları ötən aylarda həmin məzar daşının dəyişdirilməsini tələb etmişdilər. Onların bu qeyri-insani və qanunsuz tələblərinə məhəl qoyulmadığı üçün vəhşicəsinə məzar daşını söküblər.
Qeyd edək ki, Əziz Purvəli 2019-cu il mayın 23-də Təbrizdə xəstəlikdən vəfat edib və Təbrizin “Vadi rəhmət” qəbiristanlığında dəfn edilib. Azərbaycanlı fəal Azərbaycan türk millətinin hüquqları uğrunda apardığı mədəni mübarizəyə görə dəfələrlə həbsə və təzyiqlərlə qarşılaşmışdır.
