GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Kəhgiluyə və Boyerəhməd vilayətində yaşayan Qaşqay türklərinin“Ayatay” şeir kitabı çap edilib. Kitabda 58 qaşqay şairindən seçmə şeirlər toplanıb və ilk dəfə olaraq qaşqay türklərinin yaşadığı bu vilayətdə çap edilib.
Kəhgiluyə və Boyerəhməd vilayətinin sənət işləri üzrə məsul Şərif İslami bildirib ki, kitab Nozər Ustuvar tərəfindən hazırlanıb və kitabdakı şeirlər 16 mövzuya şamil edilir. Müxtəlif sahələrlə yanaşı ana dili və s. mövzuları əhatə edir. Şeirlər Qaşqay türkcəsindədir.
Kitabın çapından məqsəd qaşqay gənclərini qaşqay türklərinin yeni və qədim şeiri ilə tanış etməkdir.
Qeyd edək ki, işğalçı fars rejim qaşqay türklərinin yaşadığı Qaşqayyurd vilayətini parçalamış və müxtəlif vilayətlərin tərkibinə verib. Məqsəd isə bu türkləri məhv etmək olub.
