GADTB Güney Azərbaycan Demokratik Türk Birliyi
GADTB-nin Mətbuat Mərkəzinin axar.az-a istinadən yaydığı məlumata görə, Afrin əməliyyatı nəticəsində küncə sıxışan kürd terrorçular mülki insanları qalxan olaraq istifadə etməklə yanaşı, tabe olmaq istəməyən dinc əhalini də vəhşicəsinə qətlə yetirir.
Türkiyə kəşfiyyat qurumlarının hazırladığı hesabatda Afrində terrorçuların 211 uşağı qətlə yetirdiyi məlum olub.
Hesabatda həmçinin aralarında qadın və yaşlıların da olduğu 417 dinc sakinin PKK-YPG-PYD terrorçularına tabe olmaqdan boyun qaçırdığı üçün öldürüldüyü bildirilib. Ailələri TSQ ilə döyüşmək üçün zorla qaçırılan azyaşlıların fotolarını da təqdim edib.
Qeyd edək ki, terrorçuların Afrində törətdiyi çirkin əməllər ermənilərin Dağlıq Qarabağda törətdikləri vəhşilikləri, uşaq, qadın, yaşlı demədən öldürülən yüzlərlə azərbaycanlının başına gətirilən faciələri xatırladıb. Afrində Qarabağda yaşanan “erməni vandallığı”nı xatırladan hərəkətlər həmçinin yerli mənbələrə əsasən öz təsdiqini tapıb.
