GADTB Güney Azərbaycan Demokratik Türk Birliyi
GADTB-nin mətbuat mərkəzinin “APA” xəbər agentliyinə istinadən yaydığı məlumata görə, Rusiyanın “Rosneft” şirkəti ilə ve İraq Kurdustanı arasinda neft müqaviləsi imzalanıb. İmzalanan neft muqaviləsinin artıq detalları açıqlanıb. Bu barədə “RİA Novosti” xəbər agentliyinə İraqın kürd müxtariyyəti parlamentinin Maliyyə və iqtisadi məsələlər üzrə komitəsinin sədri İzzər Saber açıqlama verib.
Məlumata görə, İraq Kürdüstanı “Rosneft”lə müqavilədən əldə edəcəyi gəlirin 1 milyard dollarını regiondakı 5 neft blokunun inkişafına sərf edəcək.
Kürd parlamentar avans olaraq “Rosneft”in Kürdüstan muxtariyyətinə 1 milyard dollar ödədiyini söyləyib: “Bu məbləğ BƏƏ-nin “Dana Gas” neft-qaz şirkətinə olan borcu bağlamaq üçün istifadə olunub. İkinci milyardı isə Türkiyənin Ceyhan limanına qədər çəkiləcək qaz kəmərinin tikintisinə yatırmaq planlaşdırılır. Daha bir milyard dollar Kürdüstan regionundakı neft bloklarının inkişafına sərf olunacaq”.
Qeyd edək ki, Rusiya terrorçu PKK təşkilatını dəstəklədiyi kimi İraqda kürd muxtariyyətini də himayə edən əsas ölkələrdəndir.
