GADTB Güney Azərbaycan Demokratik Türk Birliyi
GADTB: İran rejiminin Ali Milli Təhlükəsizlik Şurasının katibi Möhsün Rzai televiziya müsahibəsində qonşu ölkələri təhdid edərək bildirib ki, İran aviaşirkətlərinin uçuşlarını qadağan etsələr və ABŞ-la əməkdaşlıq etsələr, “hava limanlarınızda uçuş olmayacaq”.
O əlavə edib: “Əgər ABŞ-ın yanında olsanız, biz sizi seyr etməyəcəyik.”
Bu təhdid Azərbaycan Respublikasının İran rejiminə məxsus aviaşirkətlərin uçuşlarını bu rejimin aviasiya sektoruna qarşı ABŞ tərəfindən tətbiq edilən yeni sanksiyalar səbəbindən dayandırmasından sonra səsləndirilib. Türkiyə də Mahan Air şirkətinin İranla İstanbul və Ankara arasında həyata keçirdiyi uçuşları dayandırıb.
Möhsün Rzainin bu təhdidi Türkiyə və Azərbaycan Respublikasının son günlər ABŞ Maliyyə Nazirliyinin tətbiq etdiyi ikinci dərəcəli sanksiyalar fonunda öz hava limanlarında İran aviaşirkətlərinin uçuş və fəaliyyətinə məhdudiyyətlər qoyduğu bir vaxtda səslənib.
Rzainin “hava limanlarınızda uçuş olmayacaq” ifadəsi Türkiyə və Azərbaycan Respublikasının hava limanlarının mümkün hədəfə alınmasına dair dolayı təhdid kimi qiymətləndirilir.
