GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Xosrovşah şəhərində fəaliyyət göstərən restoran Azərbaycan musiqisi səsləndirildiyinə və məcburi hicab qaydalarını pozduğuna görə molla rejimi tərəfindən bağlanıb.
Təbrizdə polis rəisi Yədulla Cahanara restoranda baş verənləri əxlaq və ictimai normaların pozuntusu kimi qələmə verib və bu səbəbdən iş yerinin fəaliyyətinə qadağa qoyulduğunu söyləyib.
Qeyd edək ki, molla rejimi cari ildə oxşar ittihamlara görə İran adlanan yerdə 3 minə yaxın obyektin fəaliyyətini qadağan edib.
