Molla rejimi azərbaycanlı fəalları məhkəməyə çağırıb

GADTB-nin Mətbuat Mərkəzinə daxil lan məlumata görə, irqçi fars-molla rejimi Təbrizdə yaşayan azərbaycanlı milli-mədəni fəallar Davud Şiri, Cavad Əhmədzadə, Əlirza Səbri, Məhəmmədəli Rzayi və Hüseyn Amani rejimin Təbrizdəki Prokurorluğunun 15-ci istintaq şöbəsinə çağırıb.

Rejimin göndərdiyi çağırış vərəqəsində azərbaycanlı fəallardan barəlırində irəli sürülən ittihamlarla bağlı son müdafiələrini etmək üçün beş gün ərzində həmin şöbəyə getmələri tələb olunub.

Rejimin Təbrizdəki Ümumi və İnqilab Prokurorluğunun 15-ci bölməsinin hakimi Seyid Əli Musəvi adıçəkilən fəallara qarşı “hökumət əleyhinə təbliğat” ittihamı irəli sürüb.

Qeyd edək ki, azərbaycanlı fəallar Hüseyn Amani, Əlirza Səbri, Cavad Əhmədzadə və Davud Şiri may ayının 18-də təhlükəsizlik məmurları tərəfindən yaxalanmışdılar.

Azərbaycanlı fəallar bir neçə gün dindirildikdən sonra girov qarşılığında müvəqqəti olaraq məhkəməyə qədər sərbəst buraxımışdılar.