Molla rejimi azərbaycanlı milli fəal təkadamlıq kameraya saldı

GADTB-nin Mətbuat Mərkəzinə daxil olan məlumata görə, irqçi fars-molla rejimi Tehranın Evin zindanında qeyri-müəyyən vəziyyətdə həbsdə saxladığı azərbaycanlı milli fəal Hüseyn Pirini təkadamlıq kameraya salıb.

Azərbaycanlı fəal qeyri-müəyyən vəziyyətdə həbsdə saxlanılmasına etiraz olaraq aclıq aksiyasına başlayıb. Bundan sonra rejimin məmurları milli fəal Hüseyn Piri sentyabrın 2-də təkadamlıq kameraya salıblar.

Azərbaycanlı milli fəala aclıq aksiyasını dayandırmaq üçün təzyiq göstərilib, o, bundan imtina etdiyi üçün başqa məhbuslardan təcrid olunub.

Qeyd edək ki, Hüseyn Piri fevralın 6-da başqa bir neçə fəalla birgə həbs edilərək Evin həbsxanasına köçürülüb.

O, “hökumətə qarşı təbliğat” və “daxili və xarici təhlükəsizliyi pozmaq üçün əlbir olmaq”da günahlandırılıb.