GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimin həbs etdiyi Təbrizdən olan azərbaycanlı milli-mədəni fəal İbrahim Əhmədpuru dindirdikdən sonra fevralın 28-də təcridxanadan Təbrizdəki zindana köçürüb.
Azərbaycanlı fəalın müvəqqəti olaraq məhkəməyə qədər zaminə buraxılması üçün 800 milyon tümənlik girov təyin edilib.
Qeyd edək ki, Təbriz Universitetinin siyasi elmlər ixtisasının öyrəncisi olan İbrahim Əhmədpur fevralın 27-də Şərqi Azərbaycanda Polis İdarəsinə çağrıldıqdan sonra həbs edilmişdi. Azrbaycanlı fəal Təbriz Universitetinin Azərbaycanşünaslıq Mərkəzinin üzvüdüb və Azərbaycanın Tehrandakı səfirliyinə terror hücumundan sonra təzyiqlərlə qarşılaşıb.
Azərbaycanlı fəal həmçinin 2019-cu ildə yanacağın qiymətinə qarşı başlayan etirazlar zamanı universitetin inzibatı komitəsinə çağrılaraq bir il təhsildən uzaqlaşdırılmışdı. Lakin bir müddət sonra həmin qərar ləğv edilmişdi.
