Molla rejimi həbs etdiyi azərbaycanlı idmançı və fəalı cinayətkarların bölməsinə köçürdü

GADTB-nin Mətbuat Mərkəzinə daxil olan məlumata görə, irqçi fars-molla rejimi Təbrizin mərkəzi zindanında həbsdə saxladığı azərbaycanlı idmançı (boksçu) və milli fəal Kərim İsmayılzadəni cinayətkarların bölməsinə köçürüb.

Azərbaycanlı fəal həbsxana rəhbərliyi tərəfindən narkotik aludəçilərinin və qaçaqmalçıların olduğu bölməyə salınıb.

Bununla bağlı milli fəalın ailəsinə yaxın mənbələr məlumat yayıb.

İdmançının ailəsi bildirib ki, Kərim İsmayılzadənin narkotik alverçilərinin bölməsinə köçürülməsi onun Evin zindanında həbsdə olan azərbaycanlı məhbusların aclıq aksiyasına dəstək məqsədilə eyni aksiyaya qoşulmasına cavab olaraq həbsxana rəhbərliyi tərəfindən edilib.