Çərşənbə , Noyabr 18 2026
azfa

Molla rejimi həbs etdiyi Fərid Səfərlini casusluqda ittiham edib

GADTB-nin Mətbuat Mərkəzinə daxil olan məlumata görə, İranda itkin düşən Almaniyanın Yena Universitetinin 27 yaşlı azərbaycanlı tələbəsi Fərid Səfərli casusluqda ittiham olunub. Bu barədə onun anası Dilarə Əsgərova məlumat verib:

 “Fərid İranda həbs edilib və casusluqda ittiham olunub. Hazırda onunla görüş tələb edirik. Konsulluğumuz bununla bağlı İranın hüquq-mühafizə orqanlarına da müraciət edib”.

Qadın oğluna qarşı irəli sürülən ittihamın əsassız olduğunu vurğulayıb:

 “İttiham yalandır, oğlum casus olmayıb. Biz ittihamları qəbul etmirik. Bu maddə ilə ittiham olunanlara hansı ağır cəzanın verildiyini firkirləşəndə bir ana kimi ürəyim parça-parça olur”.

Qeyd edək ki, fevralın 20-də Fərid Səfərli həmin universitetdə təcrübə keçən həkim rəfiqəsinə baş çəkmək üçün Tehrana gedib. Səfərli nəzərdə tutulan tarixdə – martın 5-də Almaniyaya qayıtmayıb. Martın 4-dən Fəridlə telefon əlaqəsi tamamilə kəsilib.

Həmçinin yoxlayın

Zəncanda mənzil növbəsində olan şəxslər evlərin təhvil verilməsinin gecikməsinə etiraz ediblər

GADTB: 27 aban 1405-ci il tarixində bir qrup mənzil müraciətçisi Zəncan vilayətinin Yol və Şəhərsalma …

İsrail ordusu İrana qarşı yeni müharibəyə hazırlaşır

GADTB: İsrailin “Ynet” xəbər saytı bildirib ki, İsrail ordusu İranla yenidən hərbi qarşıdurmaya hazırlaşır. Lakin …