Molla rejimi kürd terrorizmi ilə birgə Güney Azərbaycanda türk yer adlarını kürdləşdirir

GADTB-nin Mətbuat Mərkəzinə daxil olan məlumata görə, irqçi fars-molla rejimi terrorizmi ilə birgə Qərbi Azərbaycan əyalətində qədim türk adlarının kürdləşdirir.

Qərbi Azərbaycan əyalətinin Salmas bölgəsində Ağbulaq kəndinin adı dəyişdirilərək fars və kürd sözlərinin tərkibi olan “Kani sefid” edilib.

İran hökumətinin qanunlarına əsasən, kənd adlarını dəyişdirmək üçün şəhər başçısının razılığı lazımdır. Bu məsələ nəzərə alınaraq, kəndin qədim adının dəyişdirilməsi və yeni lövhənin quraşdırılması bölgə və şəhər rəhbərliyinin razılığı ilə həyata keçirilib.

Molla rejimi və kürd terrorizminin Azərbaycana qarşı bu fitnəkarlığı yerli sakinlərin narazılığına səbəb olub.

Yerli əhali bununla bağlı dövlət qurumlarına şikayət etsələr də, onlara heç bir cavab verilməyib.