GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi etiraz aksiyaları boyunca minlərlə dinc etirazçını həbs, yüzlərlə dinc etirazçını qətlə yetirməklə yanaşı, həmçinin çox sayda jurnalisti də həbs edib.
Bununla bağlı insan haqları təşkilatlarının verdiyi məlumata görə, İranda davam edən 110 günlük etiraz aksiyaları zamanı 73 jurnalist molla rejimi tərəfindən həbs edilib.
Həbs edilən mətbuat işçilərindən 38-i jurnalist, 25-i əyalət müxbirləri və 10 nəfəri isə fotojurnalistlərdir.
Tutulan jurnalistlər arasında İran hakimiyyətinə yaxın bir neçə media orqanının, o cümlədən “Şərq” qəzetinin əməkdaşlarının da adı var.
Bir neçə gün öncə Jurnalistləri Müdafiə Komitəsi bəyanat yayaraq Tehran rejiminin onlarla jurnalisi peşə fəaliyyətinə görə həbs etməsini pisləyib.
“Jurnalistlərin Müdafiəsi Komitəsi” illik hesabatında bildirib ki, İran jurnalistlərin ən çox həbs olunduğu ölkələr siyahısında birinci yeri tutur.
