GADTB Güney Azərbaycan Demokratik Türk Birliyi
GADTB: Cənubi Azərbaycan Milli Hərəkatının iki türk fəalı Arəş Kəhbur və Cəlal Küdrilu, molla rejimin qüvvələri tərəfindən Qüşaçay (Miyandab) şəhərində azərbaycanlı fəalların həbs dalğası çərçivəsində saxlanılıblar.
Məlumata görə, Arəş Kəhbur şənbə axşamı təhlükəsizlik əməkdaşları tərəfindən həbs edilib. Bundan sonra təhlükəsizlik qüvvələri onun ata evinə və şəxsi mənzilinə basqın edərək axtarış aparıb, kompüterini və mobil telefonunu müsadirə ediblər. Qeyd olunur ki, bu fəal daha əvvəl də dəfələrlə təhlükəsizlik qurumları tərəfindən çağırılıb və dindirilib.
Həmçinin 1404-cü il bəhmən ayının 26-sı səhər saatlarında tanınmış Milli Hərəkat fəalı və təqaüdçü müəllim Cəlal Küdrilu təhlükəsizlik qüvvələrinin onun şəxsi evinə basqını zamanı həbs edilərək naməlum yerə aparılıb. Bu xəbərin hazırlandığı vaxta qədər onun saxlanıldığı yer və vəziyyəti barədə heç bir məlumat yoxdur.
