GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi hicaba görə Güney Azərbaycanda iş yerlərini bağlamaqda davam edir.
Şərqi Azərbaycan əyalətində məcburi hicab qaydalarının pozulduğuna görə 7 iş yerinin fəaliyyətinə qadağa qoyulub.
Şərqi Azərbaycan əyalətinin polis qüvvələrinin komandiri Hüseyn Əbdinin mediaya verdiyi açıqlamasında daha 65 iş yerinin sahiblərinə xəbərdarlıq edildiyi bildirilir.
“Hicab qaydalarının pozduqlarına görə 9 nəfərin avtomobili dövlətin xeyrinə müsadirə olunub”,- Əbdi qeyd edib.
Qeyd edək ki, son bir neçə həftədə İranda məcburi hicab qaydalarına riayət edilməyən, orucluq ayında müştərilərə xidmət göstərən, musiqi səsləndirilən və digər səbəblərə görə 1000-dən çox iş yerinin fəaliyyəti qadağan edilib.
