GADTB Güney Azərbaycan Demokratik Türk Birliyi
GADTB: Azərbaycanlı fəallar Araz Aman, Ayaz Seyfəxah, Vədud Əsədi, Tahir Nəqəvi, Mürtəza Pərvin, Kərəm Mərdanə, Məhəmmədrza Fəqihi və Mahmud Ocaqlı Evin həbsxanasında “rejim əleyhinə təbliğat” ittihamı ilə yeni cinayət işi ilə üzləşiblər.
Məlumata görə, siyasi fəaliyyətlə bağlı əvvəlki işlər üzrə artıq həbsdə olan bu azərbaycanlı fəallar səhhət vəziyyətləri və tibbi xidmətə çıxışdan məhrum edilmələrinə etiraz etdikləri üçün yeni ittihamlarla qarşılaşıblar.
Bildirilir ki, fəallar 1405-ci ilin 28 ordibehişt tarixində ikinci dəfə Evin prokurorluğunun çağırışı əsasında videokonfrans vasitəsilə həbsxananın elektron məhkəmə otağında ittihamlarla tanış ediliblər.
Qeyd olunur ki, ardıcıl şəkildə yeni cinayət işlərinin açılması, uzunmüddətli sorğular, məcburi etiraf almaq üçün təzyiqlər və qeyri-açıq, elektron məhkəmə proseslərindən istifadə siyasi fəallara, xüsusilə azərbaycanlı fəallara qarşı sistemli təzyiq vasitəsinə çevrilib. Məlumatda bunun ədalətli məhkəmə prinsiplərinin və təqsirləndirilən şəxslərin əsas hüquqlarının açıq şəkildə pozulması olduğu vurğulanır.
