GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin həbs etdiyi azərbaycanlı siyasi fəal Yürüş Mehrəlibəyli 50 günə yaxındır ki, Təbrizin ETTELAAT İdarəsinin təcridxanasında saxlanılır.
Son həftələrdə azadlığa buraxılan milli fəalların sözlərinə görə, İranın təhlükəsizlik qüvvələri həbs olunan şəxsləri, o cümlədən Yürüş Mehrəlibəylini zorla etiraf almaq üçün döyüb və onlara işgəncə veriblər.
Son zamanlar molla rejimi azərbaycanlı fəalın müvəqəti həbs müddətini də uzadıb. Eyni zamanda fəalın vəziyyəti barədə heç bir məlumat vermir.
Qeyd edək ki, Yürüş Mehrəlibəyli noyabrın 7-də Culfa şəhərində rejimin ETTELAAT qüvvələri tərəfindən tutularaq Təbrizdə rejimin ETTELAAT İdarəsinin təcridxanasına köçürülüb.
