Molla rejimin həbs etdiyi azərbaycanlı həkim Həmid Qarahəsənlinin həyatı təhlükədədir

GADTB-nin Mətbuat Mərkəzinə daxil olan məlumata görə, irqçi fars-molla rejimin həbs etdiyi azərbaycanlı həkim Həmid Qarahəsənlinin həyatı təhlükədədir.

Kərəcdə keçirilən etiraz aksiyalarında yaxalanaraq saxta ittihamlarla ağır cəzaya məhkum edilən azərbaycanlı həkim Həmid Qarahəsənlinin həyatının təhlükədə olması barədə onun yaxınları Amerikanın səsinə müsahibə zamanı məlumat veriblər.

Azərbaycanlı həkimin yaxınlarının bildirdiyinə görə, həkim həbs edildikdən sonra iki dəfə infarkt keçirib, işgəncə edildiyi zaman aldığı yaralardan infeksiya alıb və müalicəsinə imkan verilmədiyi üçün səhhətinin ağırlaşdığını bildirirlər.

Eyni zamanda həkimin bağırsağında yaralar kəskinləşib və onun sağlıq durumu təhlükəli vəziyyətdədir.

Azərbaycanlı həkimin yaxınlarının bildirdiyinə görə, Həmid Qərəhəsənlinin müalicəsi ilə bağlı dəfələrlə vəsiqə qarşılığında zaminə buraxılması istənilsə də, rejimi buna icazə verməyib və həkimin mühalicəsi üçün qəti şəkildə maeçilik törədilib.

Qeyd edək ki, Həmid Qarahəsənli və həyat yoldaşı Fərzanə Qarahəsənli 2022-ci il noyabrın 4-də Kərəcdə Hədis Nəcəfinin qırx mərasimi zamanı həbs edilib və radikal Bəsic qüvvələrinin üzvü Ruhllah Əcəmiyanın öldürülməsində iştirak etdikləri ittihamı ilə mühakimə olunublar.

Azərbaycanlı həkim və onun həyat yoldaşı həbsdə vəhşicəsinə işgəncə ediliblər.