GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin Ərdəbil şəhərinin həbsxanasında həbsdə saxladığı 77 yaşlı vəkil və milli hərəkat fəalı Pərviz Siyabi Gürcani müxtəlif xəstəliklərdən əziyyət çəksə də, onun müalicəsinə icazə verilmir.
Həkimlər Pərviz Siyabinin yaşının çox olması və müxtəlif xəstəliklərdən əziyyət çəkdiyinə görə, onun 6 illik həbs cəzasından azad edilməsi və ya ev həbsinə buraxılması ilə bağlı rəy veriblər.
Buna baxmayaraq, məhkəmə və zindan rəhbərliyi bununla razılaşmayıb və fəalın həyatının təhlükədə olmasına əhəmiyyət vermirlər.
Pərviz Siyabinin vəziyyətinin ağır olması ilə bağlı Tibbi Eksoertiza Mərkəzinin həkimləri də arayış veriblər. Ancaq 77 yaşlı milli fəal həbsxanada olan sexlərdən birinin anbarında işlədilir.
Qeyd edək ki, azərbaycanlı fəal Pərviz Siyabi Gürcani 2021-ci il iyulun 25-də molla rejiminin məmurları tərəfindən yaxalanmışı.
Azərbaycanlı fəal 5 avqustda dindirilmə müddəti bitdikdən sonra ETTELAAT İdarəsinin təcridxanasında Ərdəbil zindanına köçürülüb və 29 avqust tarixində 250 milyon tümənlik girov qarşılığında məhkəməyə qədər zaminə buraxılmışdı.
Pərviz Siyabi mədəni fəaliyyətlərində görə 2022-ci ilin noyabr ayında saxlanılmış və məhkum olduğu 6 illik həbs müddəyini çəkmək üçün Ərdəbil zindanının 16-cı bölməsinə köçürülmüşdü.
