Molla rejimin həbs etdiyi milli fəallardan heç bir məlumat verilmir

GADTB-nin Mətbuat Mərkəzinə daxil olan məlumata görə, irqçi fars-molla rejimin həbs etdiyi milli fəallardan Yürüş Mehrəlibəyli, Milad Cəlili və s. fəallardan heç bir məlumat verilmir.

2023-cü il noyabrın 7-də həbs edilən və Təbrizdə rejimin ETTELAAT  İdarəsinin təcridxanasında saxlanılan Güney Azərbaycan Milli Hərəkatının fəalı Yürüş Mehrəlibəyli ailəsi ilə görüşdən məhrum edilib.  Bu da fəalın ailəsinin və yaxınlarının ciddi narahatlığına səbəb olub.

Eyni zamanda noyabrın 28-də molla rejimin məmurlarının yaxaladığı azərbaycanlı reper Milad Cəlili (Elşən) və dekabrın 30-da Xiyavda yaxalanan və Ərdəbildə rejimin ETTELAAT İdarəsinə köçürülən tanınmış azərbaycanlı milli fəal İbrahim Rəşidinin də vəziyyətindən heç bir məlumat verilmir.

Adları çəkilən azərbaycanlı fəalların qeyri-müəyyən vəziyyətdə həbs müddəti hələ də davam edir.