GADTB Güney Azərbaycan Demokratik Türk Birliyi
GADTB: İranda radikal mövqeyli qüvvələr azərbaycana qarşı saxta ittihamlar irəli sürməkdə davam edirlər.
Molla rejimin radikal mövqeyi ilə tanınan “Paydari Cəbhəsi”nin üzvləri Azərbaycana qarşı ittihamlarını davam etdirirlər. Tehrandan millət vəkili Kamran Qəzənfəri İran parlamentindəki çıxışında Azərbaycanq qarşı saxta ittihamlar irəli sürüb və sərt şəkildə tənqid edib.
Deputat Azərbaycanın guya İsraillə hərbi əməkdaşlıq etdiyini və İranın sabiq prezidenti İbrahim Rəisinin ölümündə rol oynadığını iddia edib. O, Azərbaycanın məqsədinin İslam Respublikasını devirmək olduğunu və bu istiqamətdə İsraillə işbirliyi apardığını bildirib.
Qəzənfəri həmçinin İran prezidenti Məsud Pezeşkianın Azərbaycana səfərini və İlham Əliyevlə yaxın münasibətlərini də tənqid edib: “Məgər bilmir ki, o, İslam Respublikasını devirmək istəyir?!”
Qeyd edək ki, Qəzənfərinin bu fikirləri millət vəkili Əbülfəzl Zöhrəvəndin daha əvvəl səsləndirdiyi ittihamlarla uyğun gəlir və İran daxilində Azərbaycana qarşı sistemli kampaniyanın davam etdiyini göstərir.
Video:
