Molla rejiminin məmurları azərbaycanlı gəncə Ümid Ağacanini zindanda işgəncə edib

GADTB-nin Mətbuat Mərkəzinə daxil olan məlumata görə, Güney Azərbaycanın Binab şəhərindən olan 22 yaşlı gənc Ümid Ağacaninin işgəncə edildiyi və ağır döyüldüyü bildirilir.

Hazırda Marağada rejimin zindanında həbsdə saxlanılan Ağacani 20 noyabr axşam saatlarında işdən evə qayıdarkən təhlükəsizlik məmurları tərəfindən həbs edilib.

Ümidin yaxınlarının dediyinə görə, o, heç bir aksiyaya qoşulmadığı halda onu etiraz aksiyalarının liderlərindən biri olduğu barədə ondan məcburi etiraf almaq istəyirlər.