Cümə axşamı , Noyabr 19 2026
azfa

Molla rejiminin prokuror azərbaycanlı fəalın müdafiəsini rədd etdi

GADTB-nin Mətbuat Mərkəzinə daxil olan məlumata görə, Güney Azərbaycan Milli Hərəkatının fəalı İbrahim Rəşidi ona qarşı irəli sürülən ittihamlarla bağlı özünün müdafiəsinin rejimin Xiyavdakı (Meşkinşəhr) Prokurorluğu tərəfindən rədd edildiyini açıqlayıb.

Azərbaycanlı milli fəal “İnstagram” hesabında bununla bağlı paylaşım edərək yazıb: “Yekun məhkəmə iclasında müdafiəmə diqqət yetirilməməsi ilə yanaşı, bu ittiham aktında daha ağrılı bir məqam da var. İttihamnamədə 2023-cü il dekabrın 30-dan 2024-cü il fevralın 22-dək həbsdə qalmağımı girov ödəyə bilməməyim səbəbindən olduğu bildirilib. Ancaq unudublar ki, qardaşım və anam o günlər ərzində istənilən girovu əllərində saxlayaraq, Prokurorluq dəhlizində gözləyiblər. Buna baxmayaraq, Prokurorluq girov məbləğini qəbul etməyib”.

Qeyd edək ki, Azərbaycanlı jurnalist və milli-mədəni fəal İbrahim Rəşidi ötən ilin dekabr ayının 30-u Güney Azərbaycanın Meşekinşəhr bölgəsinin Mirkəndi kəndində evindən yaxalanaraq istintaq idarəsinə aparılmışdı.

İbrahim Rəşidiyə qarşı “sosil şəbəkələrdə yalan məlumatlar paylaşmaq” ittihamı irəli sürülmışdı.

Həmçinin yoxlayın

Zəncanda ustad aşıq “Müslüm Əsgəri”nin vəfatının birinci ildönümü münasibətilə “El Aşığı” mərasimi keçiriləcək

GADTB: Zəncanın “İşraq” Ədəbi Birliyi ustad aşıq Müslüm Əsgərinin vəfatının birinci ildönümü münasibətilə “El Aşığı” …

Təbrizdə qanlı hadisə: hakim, həyat yoldaşı və azyaşlı övladı öldürülüb

GADTB: Çərşənbə günü axşam saatlarında silahlı şəxs Təbrizin Heydərabad məhəlləsində Xana (Piranşəhr) məhkəmə sisteminin hakimi …