GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejiminin Tarixi Abidələri Bərpa İdarəsi Təbrizdə tarixi abidəni bərpa bəhanəsi ilə dağıdıb.
Təbrizin tarixi hamamının mülkiyyətçilərindən olan Məhəmmədhüseyn Abbasqulizadə bu barədə mediaya məlumat verib.
Məhəmmədhüseyn Abbasqulizadənin dediyinə görə, Mədəni İrs, Turizm və Əl İşləri İdarəsi hamamın təmirniə görə ayrılan büdcəni təyinatı üzrə xərcləməyib və Təbrizin qədim hamamlarınmdan olan tarixi tikilinin bərpa işlərini yarımçıq buraxıb.
Abbasqulizadə deyib: “Bu tarixi hamam İsfahan və ya Şirazda olsaydı belə aqibətlə üzləşməzdi”.
Onun sözlərinə görə, hamamın bərpası ilə 2005-ci ildə əlaqədar qurumnlara müraciətlərindən sonra bərpa işlərinə başlanılıb və hamamın günbəzi və bir neçə bölməsi dağıdıldıqdan sonra işlər dayandırılıb.
Qeyd edək ki, Təbrizin bu tarixi hamamı Qacarlar dövrünə aiddir və 270 il öncə tikilib.
