GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qum dini-ideoloji mərkəzinin 5 mollası irqçi fars rejimin prezidenti Həsən Ruhaniyə qarşı pankart açdığı üçün yaxalanıb. Onlar Həsən Ruhanini ölümlə hədələyiblər.
Həmin mollalar “Ey müzakirə edilən adam, hovuz səni gözləyir!” şüarı yazılan pankart tutublar.
Qeyd edək ki, irqçi və işğalçı fars rejimin keçmiş prezidenti Əliəkbər Haşimi-Rəfsəncani 2017-ci ilin yanvarında hovuzda ölüb. Onun ürək çatışmazlığından öldüyü bildirilmişdi. Ancaq Rəfsəncaninin qızı Faizə Haşimi atasının ölümünün təbii olmadığını və bu məsələdə məlumatsızlığın davam etdiyini söyləmişdi. Sağlığında Ə.Haşimi-Rəfsəncani Qərblə əlaqələri inkişaf etdirməyə can atan siyasilərdən biri kimi tanınırdı. Ona görə də onun ölməsi səbəbinə şübhə qalır. Odur ki, mollaların pankartını hakimiyyətdaxili islahatçılar Həsən Ruhaninin təhdid edilməsi kimi dəyərləndiriblər.
