GADTB Güney Azərbaycan Demokratik Türk Birliyi
GADTB: NATO-nun baş katibi Mark Rutte ABŞ prezidenti Donald Trampla görüşdən sonra İranın nüvə silahı əldə etməməsinin vacibliyini vurğulayıb.
Rutte bildirib ki, NATO üzvü olan ölkələr İranın nüvə silahına sahib olmasına qarşı ortaq mövqedən çıxış edirlər. Onun sözlərinə görə, İranın hərbi nüvə qabiliyyəti əldə etməsi təkcə bölgə üçün deyil, bütün dünya üçün təhlükə yarada bilər.
Baş katib qeyd edib ki, İran heç bir halda nüvə silahına sahib olmamalıdır.
Rutte açıqlamasında Ankarada keçiriləcək NATO sammitinə hazırlıq işlərinin, eləcə də Avropa müttəfiqləri və Kanadanın müdafiə xərclərini artırması məsələlərinin müzakirə edildiyini bildirib.
