Çərşənbə , Noyabr 18 2026
azfa

“New York Times” qəzeti Müctəba Xamenei ilə bağlı məlumat yaydı

GADTB: The New York Times nəşri İran rəsmilərinə istinadən Müctəba Xameneinin səhhəti ilə bağlı məlumat yayıb.

Qəzetin yazdığına görə, İran İslam Respublikasının yüksək vəzifəli dörd rəsmisi onun ayaqlarından birinin üç dəfə əməliyyat olunduğunu və hazırda protez ayaq gözlədiyini bildirib. Mənbələrin sözlərinə görə, onun üz və dodaq nahiyəsində ciddi yanıq izləri var və bu səbəbdən danışmaqda çətinlik çəkir, gələcəkdə isə bərpaedici əməliyyata ehtiyac duyacaq.

Məlumatda həmçinin qeyd olunur ki, onun əllərindən biri də əməliyyat olunub və funksiyalarının bərpası prosesi davam edir.

Mənbələr bildiriblər ki, Müctəba Xamenei indiyədək video və ya audio müraciət yaymayıb. Bunun səbəbi kimi isə ilk ictimai çıxışında zəif və ya həssas görünmək istəməməsi göstərilir.

“New York Times” əlavə edib ki, ağır xəsarətlərə baxmayaraq, o, zehni baxımdan ayıqdır və proseslərdə iştirakını davam etdirir.

Həmçinin yoxlayın

May Sato: Müharibə dey ayı etirazları zamanı baş verənlərin unudulmasına səbəb olmamalıdır

GADTB: BMT-nin İranda insan hüquqları üzrə xüsusi məruzəçisi May Sato Fransa parlamentində çıxışı zamanı bildirib: …

Netanyahu: İslam Respublikasının nüvə təhdidi İsrail sərhədlərində dayanmayacaq

Israel’s Prime Minister Benjamin Netanyahu attends the weekly cabinet meeting in Jerusalem on November 19, …