Nümayişlərin davam etdiyi Ələhvazda ərəblər BMT və Ərəb Dünyasından yardım istədi

GADTB-nin Mətbuat Mərkəzinə daxil olan məlumata görə, Ələhvaz ərəbləri bu bölgənin müxtəlif şəhərlərindən BMT və Ərəb Dünyasından irqçi fars rejimində ərəblərə qarşı fiziki və mənəvi soyqırıma qarşı yardım tələb ediblər.

Qeyd edək ki, Ələhvaz məntəqəsində minlərlə ərəb bir neçə gündür ki, etiraz aksiyaları keçirir. Buna səbəb irqçi fars rejiminin dövlət televiziyasında ərəblərə qarşı irqçi və rasist proqramın yayımlanması olub.

Bildirilib ki, etirazçılar Ələhvaz və Abadan və s. şəhərlərdə Radio və Televiziya Şurasının qarşısına toplaşıb.

Dövlət televiziyası əleyhinə şüarlar səsləndirən nümayəçilərlə polis arasında toqquşmalar yaşanıb. Bir neçə nəfərin qarşıdurma zamanı yaralandığı vurğulanıb. Çox sayda tutulan var.

Bundan əlavə, bəzi məlumatlarda Ələhvaz məntəqəsində fövqəladə vəziyyətin elan edildiyi deyilir.