PKK terrorçuları Afrin əhalisinin 50 illik sərvətlətini talayıb aparıblar

GADTB-nin Mətbuat Mərkəzinə daxil olan məlumata görə, kürd terrorçular Afrin əhalisinin 50 illik gəlirini oğurlayıb. Bu sözləri Afrin Qurtuluş Şurasının sözçüsü Həsən Şindi deyib.

“PKK Afrini 7 ildir yağmalayır. Afrindən qaçarkən xalqdan qəsb etdikləri milyonlarla dollar pul və qızılı iki TIR və bir yük maşınına yükləyərək bölgədən apardılar”, – Şindi bildirib.

Xatırladaq ki, Türkiyə yanvarın 20-də Afrin istiqamətində “Zeytun budağı” əməliyyatını başlatmışdı və nəticədə Afrini kürd terrorçuların işğalından azad etdi.