Qədim türk şəhəri Kərkükdə beş partlayış nəticəsində ölən və yaralananlar var

GADTB-nin Mətbuat Mərkəzinə daxil olan məlumata görə, qədim türk şəhəri Kərkükdə ardıcıl beş partlayış nəticəsində ölən və yaralananlar var. Bu barədə “əs-Suməriyə”” telekanalı xəbər verib.

Məlumata əsasən, Bağdada gedən yolda,  Kərkuk administrasiyası yaxınlığında iki əldəqayırma partlayıcı qurğu işə salınıb. Şəhərin Əl-Hürriyə rayonunda iki səs qumbarası partladılıb. Daha bir partlayış uşaq poliklinikasının yaxınlığında törədilib.

Son məlumatlara əsasən, seriya partlayışlar nəticəsində 1 nəfər ölüb, 8 nəfər yaralanıb. Yaralılar xəstəxanaya yerləşdirilib, onlardan ikisinin vəziyyəti ağır kimi qiymətləndirilir.

Partlayışlara görə məsuliyyəti hələ ki, heç bir qruplaşma öz üzərinə götürməyib.

Qeyd edək ki, kürdlər məqsədli şəkildə son onilliklərdə Kərkükə köçərək həm buranın demoqrafik quruluşunu dəyişməyə çalışır, həm də bu şəhərdə türkmənlərə qarşı terror aktları və partlayışlar törətməklə Kərkükü şəhərin əsil sakinləri olan türkmənlərdən təmizləyib kürdləşdirmək istəyirlər.

 

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın