Qərblilər kürd terrorçuları ilə birlikdə Türkiyəyə qarşı döyüşür

GADTB-nin Mətbuat Mərkəzinin əldə etdiyi məlumata görə, PYD terror qruplaşması sıralarında onlarla ABŞ, İngiltərə və Almaniya vətəndaşı Türkiyəyə qarşı mübarizə aparır. Bu barədə “Tayms” informasiya yayıb.

Məlumata görə, Suriyanın müxtəlif ərazilərindəki YPG üzvü olan İngiltərə vətəndaşları döyüşlərə qoşulmaq üçün Afrinə getməyə çalışır. Silahlı terrorçulardan ibarət qruplaşmaya Çin əsilli İngiltərə vətəndaşı Huanq Lei rəhbərlik edir.

Qruplaşmanın tərkibində həmçinin ABŞ, Almaniya, bir sıra Qərbi Avropa ölkələrinin nümayəndələri yer alır. Terrorçular Suriya ordusunun nəzarətində olan bölgələrdən keçərək Afrinə getməyi planlaşdırır.