“Qorqud Ata” V Beynəlxalq Türk Dünyası Film Festivalı keçirilib

GADTB: Qazaxıstanın Aktau şəhərində Beynəlxalq Türk Mədəniyyəti Təşkilatına (Türksoy) üzv ölkələrin sənətçilərinin iştirakı ilə “Qorqud Ata” V Beynəlxalq Türk Dünyası Film Festivalı keçirilib və tədbir müxtəlif nominasiyalar üzrə qaliblərə mükafatların təqdim olunması ilə yekunlaşıb.

 “Türk Dünyasının Mədəniyyət Paytaxtı”nda hər il keçirilən “Qorqud Ata” Türk Dünyası Film Festivalına bu il Türk Dünyasının 2025-ci il Mədəniyyət Paytaxtı Qazaxıstanın Aktau şəhəri ev sahibliyi edib.

“Qorqud Ata” V Türk Dünyası Film Festivalında Aktau 2025 Bədii film nominasiyasında Qırğızıstandan olan “Qara Qızıl Sarı” filmi qalib olub. Sənədli film kateqoriyasında Qazaxıstanın “Baba” filmi qalib olub, xüsusi mükafat isə Türkiyədən “Göktürklərin Dirilişi” filminə verilib.