GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycanın hətta zəlzələ bölgəsinə yardım məsələsində ayrıseçkiliyə yol verməsi və ümumiyyətlə yardımı unutmasını hətta rejimə bağlı şəxslər də etiraf edib.
Miyana şəhərinin İran məclisindəki millət vəkili Fərdin Fərmənd dekabrın 23-də çıxışı zamanı deyib: “Miyananın zəlzələdən əvvəl də bir çox problemi var idi. Təbii fəlakətin baş verməsi vəziyyəti daha da ağırlaşdırdı. Benzinin bahalaşması ilə əlaqədar baş verən hadisələr isə təbii fəlakətin unudulmasına səbəb oldu.
Hal-hazırda Miyana dağlarının ətəyində qarlı hava şəraiti hökm sürür. Bu məsələ müvəqqəti məkanlarda yerləşdirilən və çadırlarda yaşayan zəlzələdən zərərçəkənlər üçün vəziyyəti ağırlaşdırıb”.
Qeyd edək ki, Şərqi Azərbaycan vilayətində baş verən dağıdıcı zəlzələdən təxminən 50 gün keçməsinə baxmayaraq təbii fəlakətdən zərərçəkənlər hələ də ağır şəraitdə qar altında çadırda yaşamağa məcburdurlar. Rejim isə lazımı köməyi göstərmir.
