GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün oktyabrın 16-da Öyrənci Həmkarlar İttifaqı fəalları Həsən Ruhaninin Tehran Universitetində çıxışı zamanı etiraz aksiyası keçirib.
Onlar bəzi öyrəncilərin ümumilikdə 100 il həbs cəzasına məhkum edilməsi, universitetlərdə ödənişli təhsilin artması və ədalətsizlik hallarının artmasına etiraz ediblər.
Etiraz aksiyası ilə eyni vaxtda, təhsil haqqından məhrum edilmiş tələbə və Tehran Universitetinin Mərkəzi Tələbə Həmkarlar Şurasının keçmiş katibi Səha Murtəzayinin Tehran Universitetinin Mərkəzi Kitabxanası qarşısında etirazı davam edib.
Qeyd edək ki, Həsən Ruhani 2013-cü il seçki kampaniyası zamanı təhsildən məhrum edilmiş öyrənciləri universitetə qaytaracaqlarına və universitetlərdə “təhlükəsizlik qurumlarının nəzarət mühiti”nin aradan qaldırılmasına söz vermişdi.
Lakin müxtəlif öyrənci qrupları son illərdə universitetlərdə dəfələrlə mühitin “təhlükəsizlik qurumlarının nəzarətində olması”na və öyrəncilərin “kateqoriyalara bölünməsi”nə dəfələrlə etirazlarını bildiriblər.
