GADTB Güney Azərbaycan Demokratik Türk Birliyi
GADTB: Eritreyanın informasiya naziri cümə günü bildirib ki, ötən həftə Yəmən sahillərindən Somali istiqamətinə aparılan və ABŞ-ın sanksiyaları altında olan neft tankeri üzərində bu ölkənin bayrağı olsa da, Eritreyada qeydiyyatdan keçməyib.
Yemane Qebremeskel «Reuters»ə bildirib ki, ötən ilin dekabrında ABŞ Maliyyə Nazirliyi tərəfindən İranın «kölgə donanması» ilə əlaqəli olduğu şübhəsi ilə sanksiyaya məruz qalan «Sibu 1» neft tankerinin Eritreya ilə heç bir əlaqəsi yoxdur.
Gəmi dəniz nəqliyyatının izlənməsi üzrə internet saytlarında Eritreya bayrağı altında göstərilir. Lakin Birləşmiş Millətlər Təşkilatının Beynəlxalq Dənizçilik Təşkilatının məlumat bazasında onun hazırkı bayraq statusu «saxta Eritreya» kimi qeyd olunur. Bu isə gəminin qeydiyyatının tanınmadığını göstərir.
Gəmi izləmə məlumatlarına əsasən, sözügedən neft tankeri sonuncu dəfə şəhrivərin 2-də Somalinin şimal-şərq sahillərindən təxminən 6 kilometr aralıda müşahidə edilib.
