Son hücumlar İranın qabaqcıl raket istehsalı imkanlarını ciddi şəkildə zəiflədib

GADTB: Müdafiə sənayesi üzrə ekspert bildirir ki, son hücumlar İran İslam Respublikasının qabaqcıl raket istehsalı imkanlarını ciddi şəkildə zəiflədib və bu potensialın qısa müddətdə bərpası inandırıcı görünmür.

Müdafiə sənayesi üzrə mütəxəssis Kameron Çel iddia edib ki, İran hazırda dəqiq hədəfli raketlər, qanadlı raketlər və hipersəs raketlərinin istehsalını bərpa etmək gücündə deyil. Onun sözlərinə görə, istehsal yenidən başlasa belə, yeni silahların keyfiyyəti əvvəlki səviyyədən daha aşağı olacaq.

Ekspert əlavə edib ki, İran yaxın müddətdə yalnız “Şahid” tipli daha sadə pilotsuz uçuş aparatlarını kütləvi şəkildə istehsal edə bilər.

Bu qiymətləndirmə İranın hərbi imkanlarının daha sürətlə bərpa olunduğunu iddia edən bəzi ABŞ kəşfiyyat hesabatları ilə ziddiyyət təşkil edir.

Eyni zamanda, Ağ Ev də İranın hərbi infrastrukturunun sürətlə bərpası ilə bağlı yayılan məlumatları təkzib edib.