GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdə İranxodro şirkətlər qrupuna daxil olan Təbriz avtomobil zavodunun işçiləri istəklərinin yerinə yetirilmədiyi və hüquqlarının bərpa olunmadığı üçün etirazlarına davam edirlər.
Noyabrın 24-ü axşam saatlarından etibarən zavodun binası qarşısına toplaşan anarazılar “ləyaqətsiz müdiriyyət istəmirik” və s. şüarlar səsləndiriblər. Onlar etirazları bu gün də davam edir.
Etirazçı işçilər zavod rəhbərliyi və aidiyyatı qurumların onların tələblərini yerinə yetirmədikləri zavod ərazisində aksiyalarını davam etdirəcəklərini söyləyiblər.
Onlar zavodun Tehranda olan bölməsi ilə əmək haqlarında bir neçə qat fərq olduğunu və ciddi şəkildə ayrıseçkiliyə maruz qaldıqlarına etiraz edirlər.
Azərbaycanlı işçilər eyni zamanda iş təsnifatının olmamasına, iş şəraitinin ağır olamsına da etirazlarını bildiriblər. Həmçinin gecikdirilmiş əmək haqlarının ödənilməsi digər tələblər arasındadır. İşçilər əmək müqavilələrinin 3 aydan bir yenilənməsini də tələb ediblər.
