GADTB-nin Mətbuat Mərkəzinə daxil olan məlumata görə, İran rejimi pandemiya bəhanəsilə Təbrizdə Azərbaycan milli geyimləri sərgisinə mane olublar.
Qeyd edək ki, yanvarın 21-də “Ayın-Oyun” Mədəni Müəssisəsi və bir qrup mədəni fəal və mədəniyyət xadimlərinin təşəbbüsü ilə Təbrizdə Azərbaycanın milli geyimləri sərgisi açılmışdır.
Təbrizin tarixi Hacı Xəlil Qarabaği evində keçirilən sərgidə Azərbaycanın milli və ənənəvi geyimləri nümayiş etdirilirdi. Sərgi Təbriz əhalisi tərəfindən rəğbətlə qarşılanıb. Lakin rejim pandemiyanı bəhanə edərək, sərginin davam etməsinə mane olub.