Təbrizdə Peyman Kərimpurun saxlanılması üçün molla rejimin qüvvələri onun evinə basqın edib

GADTB: Dünən, bazar ertəsi 20 bəhmən tarixində təhlükəsizlik qüvvələri Təbriz şəhərində milli fəal Peyman Kərim Purun evinə basqın edərək onu saxlamaya cəhd ediblər.

Qeyd edək ki, Təbriz şəhərinin Ümumi və İnqilab Prokurorluğunun 15-ci istintaq şöbəsi tərəfindən milli azərbaycanlı fəal Peyman Kərim Pura məhkəmə orqanına gəlməsi ilə bağlı elektron bildiriş göndərilmişdi.

6 dey 1404-cü il tarixli həmin bildirişdə çağırışın səbəbi “məhkəmə orqanlarının təqdim etdiyi hesabatla bağlı irəli sürülən ittihama dair özünü müdafiə etməsi” kimi göstərilib. Bildirişdə qeyd olunur ki, adıçəkilən şəxs bildirişin sistemdə yerləşdirilməsindən sonra 5 gün ərzində müvafiq şöbədə iştirak etməlidir. Əks halda, qanuna uyğun olaraq onun barəsində qərar qəbul ediləcək və məhkəməyə gəlməməsi həbs qərarının çıxarılmasına səbəb ola bilər.