GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın mərkəzi Təbrizdə azərbaycanlı milli fəallar Urmiya gölünün molla rejimi tərəfindən qəsdən qurudulmasına etiraz əlaməti olaraq yüzlərlə posterlər paylanıldı.
Yayılan posterlərdə aşağıdakı sözlər yazılıb:
18“ milyard kubmetr suyu bəndlərin arxasına bağladılar və dedilər: “Su yoxdur!”;
“Ən böyük cihad odur ki, zalımın qarşısında durub ona səhv etdiyini söyləyəsən”;
“Urmiya gölü yaşamaq üçün döyüşür”;
“Urmiya gölünün qəsdən qurudulması və səlahiyyətlilərin səhlənkarlığı Azərbaycan millətinin məhvinə bərabərdir”;
“Urmiya gölünü xilas et”.
Qeyd edək ki, molla rejiminin Güney Azərbaycanda törətdiyi ekoloji fəlakətlə bağlı ictimaiyyəti məlumatlandırmaq və Urmiya gölünün acınacaqlı durumunu vətəndaşların və beynəlxalq ictimaiyyətin diqqətinə çatdırmaq məqsədilə “#Urmu_Araz_Üçün_Birlik” həştəqi altında kampaniyaya start verilib.
Bununla yanaşı müxtəlif aksiyalarla da rejimin Urmiya gölünü qurutmasına qarşı etirazlar baş verir.Ekofəallar bütün azərbaycanlıları gölün məhv olmasının qarşısının alınması məqsədilə kampaniyaya qoşulmağa, Tehran hakimiyyətinin Azərbaycanın təbiət incisini məhv etməsinə imkan verməməyə çağırıblar.
