Təbrizin İncəsənət Universitetində öyrəncilərin etirazı

GADTB-nin Mətbuat Mərkəzinə daxil olan məlumata görə, Təbrizin İncəsənət Universitetinin öyrənciləri dekabr ayının 5-də universitetdə ciddi nəzarət və təzyiq atmosferinin olmasına, eləcə də  universitetdə xidmətlərin zəif olmasına etiraz ediblər.

Məlumata görə, universitetin öyrənciləri universitetin həyətində yemək qablarını nümayiş etdirərək, öz etirazlarını bildiriblər.

Universitetdə verilən xidmətin zəif olduğunu söyləyən öyrəncilər ödənişli təhsil sisteminin ləğv olunması və “İş təcrübəsi” adlanan layihənin icrasının dayandırılmasını tələb ediblər. Öyrəncilər həmçinin yataqxananın qeyri-münasib vəziyyətinə də etiraz ediblər.